O‘zbekiston Prezidentining 2017-yil 29-sentabrdagi qarori bilan “2017—2019-yillarda Navoiy viloyatining Tomdi, Uchquduq, Konimex, Nurota tumanlari va Zarafshon shahrida kafolatlangan ishchi o‘rinlarini yaratish va yo‘l-transport, muhandislik-kommunikatsiya hamda ijtimoiy infratuzilmani rivojlantirish bo‘yicha chora-tadbirlar dasturi” tasdiqlandi. Bu haqda Uz24 xabar berdi.
Xabar berilishicha, Dastur chora-tadbirlarini amalga oshirishni moliyalashtirish uchun Navoiy viloyati hokimligi huzurida Maxsus jamg‘arma tashkil etildi. Jamg‘arma “Navoiy kon-metallurgiya kombinati” DK tomonidan har yili ajratiladigan mablag‘lar; xalqaro moliya institutlari va boshqa xorijiy donorlarning imtiyozli kreditlari (zayomlari); yuridik va jismoniy shaxslarning xayriya mablag‘lari; moliyalashtirishning taqiqlanmagan boshqa manbalari hisobidan shakllantiriladi.
Navoiy tumanining Tomdi, Uchquduq, Konimex tumanlari, Nurota tumanining Dexibaland, Sentob, Temirqovuq, Qizilcha, Gum va Chuya aholi punktlari va Zarafshon shahri hududidagi subyektlar 2017-yil 1-oktabrdan 2028-yil 1-yanvargacha quyidagi to‘lovlardan ozod etiladi:
- barcha turdagi soliqlar va davlat maqsadli jamg‘armalariga majburiy to‘lovlar — sanoat va xizmat ko‘rsatish sohasida faoliyatni amalga oshiradigan yangidan tashkil etiladigan tadbirkorlik subyektlari (bundan savdo va avtomobillarga gaz to‘ldirish mustasno);
- YaIT — chorvachilik va tuyachilik mahsulotlarini qayta ishlash sohasida faoliyatni amalga oshiradigan fermer xo‘jaliklari va tadbirkorlik subyektlari:
- qat’iy belgilangan soliq — mazkur hududlarda ro‘yxatdan o‘tkazilgan va faoliyatni amalga oshiradigan yakka tartibdagi tadbirkorlar;
- daromad (foyda) solig‘i — mazkur hududlarda ro‘yxatdan o‘tkazilgan va faoliyatni amalga oshiradigan yuridik shaxslar muassislari tomonidan olingan dividendlar.
Izoh (0)