AQSh Markaziy razvedka boshqarmasi rus tilini biladigan oliy ma’lumotlilarni ishga taklif qilmoqda

AQSh Markaziy razvedka boshqarmasi (MRB) “haqiqatni fosh etish” uchun rus tilini biladigan odamlarni ishga olmoqda, deb xabar berdi “Korrespondent.net”.

“Rus tilini bilasizmi? Oliy ma’lumotli AQSh fuqarosimisiz? Milliy xavfsizlikka qiziqasizmi? Sizning ko‘nikmalaringiz bu yerda kerak”, — deyiladi MRBning Twitter’dagi sahifasida.

Xabarga biriktirilgan rasmda yozilishicha, “MRBning lingvist-xodimi sifatida” “haqiqatni fosh etish” mumkin.

Idoraning ushbu xabari tarmoq foydalanuvchilarining qizg‘in muhokamasiga sabab bo‘ldi. Jumladan, ulardan biri “endi Trampning ishi bor”, deb yozgan bo‘lsa, Buyuk britaniyalik foydalanuvchi “Bu ish taklif etilgan eng zerikarli xabar. Kino ko‘rmaysizlarmi nima?”, deb yozadi. Twitter’ning amerikalik foydalanuvchilaridan biri esa quyidagicha izoh qoldirgan: “Bu yigitlar nima gap ekanligini bilishadi. Mish-mishlarga qaraganda, Rossiyada saylovlar yaqinlashib kelmoqda”.