Sirdaryo viloyatining Sirdaryo shahridagi savdo do‘konlari qatorida 23-sentabr kuni yong‘in yuz berdi. Bu haqda O‘zbekiston IIV matbuot xizmati xabar berdi.
Xabar berishlaricha, shaharning O‘zbekiston ko‘chasida joylashgan savdo do‘konlarida yong‘in sodir bo‘lgan. Tan jarohati olganlar yo‘q.
Yong‘in oqibatida jami 9 ta savdo do‘konining 280 kvadrat metr maydonda tomi, shift qismi va jihozlari yongan.
“Yong‘in holati yuzasidan tergovga qadar tekshiruv o‘tkazilib, yong‘in sababini aniqlanmoqda”, — deyiladi vazirlik axborotida.
Izoh (0)