Toshkent viloyatining Zangiota tumanidagi ishlab chiqarish sexlaridan birida 20-sentabr kuni yong‘in yuz bergan. Bu haqda O‘zbekiston IIV matbuot xizmati xabar bermoqda.
Xabar berishlaricha, tumanning Shifobaxsh suvlar ko‘chasida joylashgan Original Colormix kompaniyasiga tegishli lak-bo‘yoq mahsulotlarini ishlab chiqarish sexida yong‘in yuz bergan.
Hodisa oqibatida sexning 60 kvadrat metr maydonda tomi va sex ichidagi lak-bo‘yoq mahsulotlari yongan. Tan jarohati olganlar yo‘q.
“Yong‘in holati yuzasidan tergovga qadar tekshiruv ishlari olib borilib, yong‘in sababi aniqlanmoqda”, — deyiladi IIV axborotida.
Izoh (0)