O‘z uyida “Betis”dan yengilgan “Real Madrid”, “Barselona”dan 7 ochko ortda qolishni boshladi

Ispaniya La Ligasining 5-turida kutilmagan natija qayd etildi. Bunga qadar “Santyago Bernabeu”da o‘tgan ikki uchrashuvda raqiblarini taslim qila olmagan Madridning “Real” klubi, endi shu stadionda “Betis”ga imkoniyatni boy berdi — 0:1.

“Qirollik klubi” bungacha o‘z uyida “Valensiya” bilan 2:2 hisobida durang o‘ynagan, shuningdek, “Levante” qarshiligini sindira olmagandi — 1:1. “Betis”ga qarshi o‘yin golsiz durang bilan yakuniga yetish arafasida edi. 94-daqiqaga kelibgina mehmonlar g‘alaba golini urishga muvaffaq bo‘ldi.

Mazkur turda “Sevilya” va “Atletiko” futbolchilari kichik hisoblarda zafar quchib, mag‘lubiyatsiz seriyani davom ettirdi.

Ispaniya La Ligasi 5-tur bellashuvlari 19-sentabr, seshanba

“Valensiya” — “Malaga” 5:0

Gollar: Santi Mina, 17 (1:0). Simone Dzaza, 55 (2:0). Simone Dzaza, 60 (3:0). Simone Dzaza, 63 (4:0). Rodrigo, 86 (5:0).

“Barselona” — “Eybar” 6:1

Gollar: Lionel Messi, 20-pen (1:0). Paulinyo, 38 (2:0). Denis Suares, 53 (3:0). Serxi Enrix, 57 (3:1). Lionel Messi, 59 (4:1). Lionel Messi, 62 (5:1). Lionel Messi, 87 (6:1).

20-sentabr, chorshanba

“Atletik” — “Atletiko” 1:2

Gollar: Anxel Korrea, 55 (0:1). Yannik Karrasko, 73 (0:2). Raul Garsiya, 90+2 (1:2).Noaniq penalti: Arits Aduris, 41 (mezbon).

“Leganes” — “Jirona” 0:0

“Deportivo” — “Alaves” 1:0

Gol: Luizinyu, 46+ (1:0).

“Sevilya” — “Las-Palmas” 1:0

Gol: Xesus Navas, 83 (1:0).

“Real Madrid” — “Betis” 0:1

Gol: Antonio Sanabriya, 94+ (0:1).

21-sentabr, payshanba“Vilyarreal” — “Espanyol”“Selta” — “Xetafe”“Levante” — “Real Sosyedad”