Angliyaning “Manchester Yunayted” futbol klubi Yevropa Chempionlar Ligasiga qaytishini yirik g‘alaba bilan boshladi.
Musobaqaga chiptani APLdagi ishtiroki orqali emas, Yevropa Ligasida g‘olib bo‘lib qo‘lga kiritgan “mankunianlar”, guruh bosqichining ilk turida “Bazel” ustidan yirik g‘alabaga erishdi — 3:0.
Mazkur guruhning ikkinchi o‘yinida Moskva “armiyachilar”i Portugaliyaning amaldagi chempioni hisoblangan “Benfika” maydonidan g‘alaba bilan qaytishni uddaladi. Bunda ular o‘z irodalarini namoyish qilib, hisobda ortda borayotgan joylaridan vaziyatni o‘nglay olishdi.
27-sentabr kuni “Yunayted” Moskvaga tashrif buyuradi, Benfika esa “Bazel” bilan o‘yin uchun Shveysariyaga keladi.
Yevropa Chempionlar Ligasi “A” guruhi. 1-tur 12-sentabr, seshanba
“Benfika” — “SSKA” 1:2
Gollar: Xaris Seferovich, 50 (1:0). Vitinyo, 63-pen (1:1). Timur Jamaletdinov, 71 (1:2).“Manchester Yunayted” — “Bazel” 3:0
Gollar: Maruan Fellaini, 35 (1:0). Romelu Lukaku, 53 (2:0). Markus Reshford, 84 (3:0).
Izoh (0)