Bekobod tumanida yashovchi fuqaro o‘ziga tegishli “Ural” mototsiklida yo‘l chetidagi daraxtga borib urilgan. U bilan birga bo‘lgan yo‘lovchi tan jarohati olib, shifoxonaning jonlantirish bo‘limiga yetkazilgan. Ko‘rsatilgan birinchi tibbiy yordamga qaramasdan, u vafot etgan. Bu haqda “O‘zbekiston 24” xabar berdi.
Surishtiruvlarda aniqlanishicha, ushbu hududda yashovchi Nexia haydovchisi shaxsiy adovati sababli mashinasi bilan motosiklning orqa tarafiga borib urgan. Motosikldagilarga og‘ir tan jarohati yetkazganini bila turib, Nexia haydovchisi voqea joyidan yashiringan.
Avtomobil haydovchisiga nisbatan O‘zbekiston Respublikasi Jinoyat Kodeksining 104-moddasi 3-qismining “d” bandi bilan jinoiy ish qo‘zg‘atilgan va tergov harakatlari olib borilmoqda.
Izoh (0)