Бекобод туманида яшовчи фуқаро ўзига тегишли «Урал» мотоциклида йўл четидаги дарахтга бориб урилган. У билан бирга бўлган йўловчи тан жароҳати олиб, шифохонанинг жонлантириш бўлимига етказилган. Кўрсатилган биринчи тиббий ёрдамга қарамасдан, у вафот этган. Бу ҳақда «Ўзбекистон 24» хабар берди.
Суриштирувларда аниқланишича, ушбу ҳудудда яшовчи Nexia ҳайдовчиси шахсий адовати сабабли машинаси билан мотоциклнинг орқа тарафига бориб урган. Мотоциклдагиларга оғир тан жароҳати етказганини била туриб, Nexia ҳайдовчиси воқеа жойидан яширинган.
Автомобиль ҳайдовчисига нисбатан Ўзбекистон Республикаси Жиноят Кодексининг 104-моддаси 3-қисмининг «д» банди билан жиноий иш қўзғатилган ва тергов ҳаракатлари олиб борилмоқда.
Изоҳ (0)