Futbol bo‘yicha O‘zbekiston milliy terma jamoasi bosh murabbiyi Samvel Babayan Janubiy Koreyaga qarshi JCh—2018 saralash uchrashuvidan so‘ng tashkil etilgan matbuot anjumanida qisqacha kirish so‘zi qilib, so‘ng uni tark etgan.
O‘FF matbuot xizmati xabariga ko‘ra, Babayan milliy termani JCh—2018 ga olib chiqish uchun “qo‘lidan kelgan barcha ishni qilgani”ni ta’kidlagan.
Mavzuga doir: O‘zbekiston JCh—2018 yo‘llanmasi uchun kurashdan chiqdi. Janubiy Koreya mundialda, Suriya pley-offda o‘ynaydi
Bugungi o‘yinni hamma ko‘rdi deb o‘ylayman. Bugun biz uchun so‘nggi imkoniyat edi. Afsuski, biz bundan foydalana olmadik. Imkoniyatdan foydalanish uchun bizga atigi bir nechta durang yetishmadi.“Championat.asia”ning yozishicha, Babayan o‘z so‘zi so‘ngida matbuot anjumaniga yig‘ilgan jurnalistlar oldida: “Hozir esa meni kechiringlar”, deb aytgan.Xabar berishlaricha, shundan so‘ng murabbiy jurnalistlarning savollariga javob bermay, matbuot anjumanini tark etgan; jurnalistlar uni “pozor” (“sharmanda”) deya kuzatib qo‘ygan.Men terma jamoani ikki yil avval JCh—2018 2-saralash bosqichida qabul qilib olgandim. Qo‘limdan kelgan barcha ishni qildim. Mendan keyin keladigan murabbiy ko‘proq ishlashi kerak. Qachondir bizga muvaffaqiyat uchun nima yetishmaganini aytarman. Hozir esa savollarga javob bera olmayman.
Samvel Babayan, O‘zbekiston milliy terma jamoasi bosh murabbiyi
Izoh (0)