Футбол бўйича Ўзбекистон миллий терма жамоаси бош мураббийи Самвел Бабаян Жанубий Кореяга қарши ЖЧ—2018 саралаш учрашувидан сўнг ташкил этилган матбуот анжуманида қисқача кириш сўзи қилиб, сўнг уни тарк этган.
ЎФФ матбуот хизмати хабарига кўра, Бабаян миллий термани ЖЧ—2018 га олиб чиқиш учун «қўлидан келган барча ишни қилгани»ни таъкидлаган.
Мавзуга доир: Ўзбекистон ЖЧ—2018 йўлланмаси учун курашдан чиқди. Жанубий Корея мундиалда, Сурия плей-оффда ўйнайди
Бугунги ўйинни ҳамма кўрди деб ўйлайман. Бугун биз учун сўнгги имконият эди. Афсуски, биз бундан фойдалана олмадик. Имкониятдан фойдаланиш учун бизга атиги бир нечта дуранг етишмади.«Championat.asia»нинг ёзишича, Бабаян ўз сўзи сўнгида матбуот анжуманига йиғилган журналистлар олдида: «Ҳозир эса мени кечиринглар», деб айтган.Хабар беришларича, шундан сўнг мураббий журналистларнинг саволларига жавоб бермай, матбуот анжуманини тарк этган; журналистлар уни «позор» («шарманда») дея кузатиб қўйган.Мен терма жамоани икки йил аввал ЖЧ—2018 2-саралаш босқичида қабул қилиб олгандим. Қўлимдан келган барча ишни қилдим. Мендан кейин келадиган мураббий кўпроқ ишлаши керак. Қачондир бизга муваффақият учун нима етишмаганини айтарман. Ҳозир эса саволларга жавоб бера олмайман.
Самвел Бабаян, Ўзбекистон миллий терма жамоаси бош мураббийи
Изоҳ (0)