Shimoliy Koreya qit’alararo ballistik raketa uchun vodorod bombasi kallagini muvaffaqiyatli sinovdan o‘tkazdi. Bu haqda Koreya markaziy televideniyesi bayonot tarqatdi, deb xabar beradi “TASS”.
“Strategik yadroviy qurol ishlab chiqish bo‘yicha Koreya mehnat partiyasi topshirig‘iga muvofiq bizning atomchilarimiz mamlakat shimolida qit’alararo kallaklar uchun vodorod bombasini sinovdan o‘tkazdi”, — deyiladi bayonotda.
Ushbu sinovlar natijasida Xitoy seysmologiya markazi 6,3 va 4,6 magnitudali zilzilalar qayd etdi. Xitoylik mutaxassislar bu zilzilalarning sabablari portlash va vayronaliklar sifatida baholamoqda.
Izoh (0)