Rossiya prezidenti Vladimir Putin Koreya yarim orolidagi vaziyat keng ko‘lamli nizo yoqasida muvozanat saqlayotganini aytdi, deb yozadi “Gazeta.ru” uning Syamenda 4—5-sentabr kunlari bo‘lib o‘tadigan BRIKS sammiti arafasida e’lon qilingan maqolasiga tayanib.
“Koreya yarim orolidagi vaziyatni e’tiborsiz qoldira olmayman, u yerda so‘nggi vaqtlarda vaziyat keskinlashdi va katta ko‘lamli nizo yoqasida muvozanat saqlamoqda”, — deya qayd etdi Rossiya yetakchisi.
Uning ta’kidlashicha, Rossiya fikriga ko‘ra, KXDRning raketa-yadro dasturlarini faqat Pxenyanga bosim o‘tkazish orqali to‘xtatish mumkin, deb o‘ylash xato va istiqbolsizdir.
Putin mintaqa muammolarini barcha manfaatdor tomonlar o‘rtasida, oldindan shart qo‘ymasdan turib, to‘g‘ridan-to‘g‘ri muzokaralar tashkil qilish orqali hal etish kerakligini qo‘shimcha qildi.
“Gij-gijlashlar, bosim, urush olovini yoqishga qaratilgan va haqoratlovchi quruq gaplar hech qayerga olib bormaydi”, — deb yozdi prezident.
Izoh (0)