Fransiyaning Marsel shahrida pichoq bilan qurollangan shaxs piyodalarga hujum qildi. Bu haqda “Kommersant” xabar bermoqda.
Dastlabki ma’lumotlarga ko‘ra, hujum oqibatida uch kishi tan jarohati olgan. Hodisa hozircha terakt sifatida baholanmayapti.
Huquqni muhofaza qilish organlari hujum qilgan shaxsni qo‘lga olib, shifoxonaning ruhiy kasalliklar bo‘limiga olib borgan.
La Provence nashrining qayd etishicha, hujum qilgan shaxs avvaldan politsiyaga ma’lum bo‘lgan; u 35 yoshda, parijdan. Ismi oshkor etilmayapti.
Xabar berishlaricha, bu shaxs avvallari o‘g‘rilik va boshqa mayda jinoyatlarni sodir etgan.
Izoh (0)