Bugun — 22-iyul kuni Angliya Premyer-ligasining bir qator klublari o‘rtoqlik o‘yinlarida maydonga tushdi.
Chempionlar xalqaro kubogida ishtirok etayotgan London klublaridan “Arsenal” va “Chelsi” Xitoydagi turne davomida to‘qnash keldi. Bellashuv Antonio Konte shogirdlarining yirik — 3:0 hisobidagi g‘alabasi bilan yakuniga yetdi.
“Arsenal” bunga qadar Chempionlar xalqaro kubogida “Bavariya”ni penaltilar seriyasiga ko‘ra mag‘lub etishga muvaffaq bo‘lgandi.
O‘rtoqlik o‘yini Pekin, Xitoy 22-iyul, shanba
“Chelsi” — “Arsenal” 3:0
Gollar: Villian, 40 (1:0). Mishi Batshuayi, 42 (2:0). Mishi Batshuayi, 49 (3:0).Yurgen Klopp boshchilik qilayotgan “Liverpul” klubi esa Gonkong mezbonlik qilgan Premier League Asia Trophy turnirida g‘olib chiqdi. “Mersisayd” klubi yarim finalda “Kristal Pelas” ustidan zafar quchgan bo‘lsa, finalda “Lester”ni 2:1 hisobida taslim qildi.
Musobaqaning 3-o‘rin uchun kechgan o‘yinida “Kristal Pelas” futbolchilari “Vest Bromvich” ustidan g‘olib chiqdi — 2:0.
Qayd etish kerak, yangi mavsumdan boshlab “Liverpul” sharafini himoya qiladigan misrlik Muhammad Saloh yangi klubidagi norasmiy debyut golini urishga muvaffaq bo‘ldi.
PL Asia Trophy Gonkong, Gonkong 22-iyul, shanba
Izoh (0)