Azamat Abduraimov Jahon termasida o‘ynash uchun taklif qilindi. Tarkibda Krespo ham bor

O‘zbekistonlik Azamat Abduraimov Jahon termasi safida maydonga tushish uchun taklif etildi. Bu haqda “Championat.asia” nashri ma’lumot berdi.

5—6-avgust kunlari Qozog‘istonning Astana shahri EKSPO—2017 faxriylar turniriga mezbonlik qiladi. Unda mezbonlardan tashqari Rossiya, Germaniya, Italiya, Portugaliya termalari ishtirok etadi. Shuningdek, jahon futbolining yaqin o‘tmishdagi yulduzlaridan iborat yana bir jamoa bo‘ladi.

Azamat Abduraimov Qozog‘istondagi turnirda jahon yulduzlari qatorida to‘p suradi. U bilan birgalikda mashhur futbolchilardan Gaiska Mendyeta, Ernan Krespo, Muhsin Muhammadiyev, Aleksandr Shovkovskiy, Jan-Pyer Papen, Yari Litmanen, Vinsen Kandela kabilar ham Astanaga taklifnoma olgan.

EKSPO—2017 faxriylar turniri Moskvadagi “Afsonalar kubogi” tomonidan tashkil etilayotgani aytilgan.