Азамат Абдураимов Жаҳон термасида ўйнаш учун таклиф қилинди. Таркибда Креспо ҳам бор

Ўзбекистонлик Азамат Абдураимов Жаҳон термаси сафида майдонга тушиш учун таклиф этилди. Бу ҳақда «Championat.asia» нашри маълумот берди.

5—6 август кунлари Қозоғистоннинг Астана шаҳри ЭКСПО—2017 фахрийлар турнирига мезбонлик қилади. Унда мезбонлардан ташқари Россия, Германия, Италия, Португалия термалари иштирок этади. Шунингдек, жаҳон футболининг яқин ўтмишдаги юлдузларидан иборат яна бир жамоа бўлади.

Азамат Абдураимов Қозоғистондаги турнирда жаҳон юлдузлари қаторида тўп суради. У билан биргаликда машҳур футболчилардан Гаиска Мендьета, Эрнан Креспо, Муҳсин Муҳаммадиев, Александр Шовковский, Жан-Пьер Папен, Яри Литманен, Винсен Кандела кабилар ҳам Астанага таклифнома олган.

ЭКСПО—2017 фахрийлар турнири Москвадаги «Афсоналар кубоги» томонидан ташкил этилаётгани айтилган.