Apple’da Stiv Jobs davri tugadi: korporatsiya smartfonlar bozoridagi raqobatda Samsung’dan ortda qolishi mumkin. Bu haqda Apple sobiq kreativ direktori Xyu Dyuberli ma’lum qildi, deya xabar beradi The Wall Street Journal.
“Samsung yaxshiroq bo‘lib qolgani yo‘q, Apple butkul o‘zgardi. Stiv Jobsga xos bo‘lgan shiddat tugadi”, — ta’kidladi Samsung’da ham faoliyat yuritgan Dyuberli.
Gazetaga ko‘ra, Galaxy S8 dan o‘tib ketish uchun Apple yangi va g‘ayrioddiy mahsulotni taqdim etishi lozim. Qolaversa, Consumer Reports nashri Samsung flagmanini innovatsiyali dizayni sababli iPhone 7 ga nisbatan yuqori baholadi.
Ma’lumot uchun, yangi iPhone joriy yil kuzida Apple yillik taqdimotida namoyish etiladi. Uning yangi dizayn, 5,8 dyuymli romsiz displey, simsiz quvvatlagich va ekranga joylashtirilgan qo‘l izlari skaneriga ega bo‘lishi taxmin qilinmoqda.
Izoh (0)