Tatariston prezidenti lavozimi respublikaning amaldagi rahbari Rustam Minnixanovning vakolatlari yakuniga yetguncha — 2020-yilga qadar saqlanib qoladi. Bu haqda Rossiya prezidenti ma’muriyatidagi manbaga tayanib, “Kommersant” ma’lum qildi, deya xabar beradi Meduza.
“Respublika aholisi saylovlarda aynan Tatariston prezidenti uchun ovoz bergan”, — deya bunga izoh berdi gazeta manbasi.
Tatariston rahbari lavozimining qanday nomlanishi respublika huquqiy masalalar bo‘yicha takliflarni ishlab chiqish komissiyasi xulosalarini inobatga olib, hal etiladi.
Ma’lumot uchun, Tatariston rahbari lavozimining nomlanishida “prezident” so‘zi saqlanib qolgan Rossiyadagi yagona respublika. Qolgan mintaqalar buni 2010-yilda qabul qilingan qonun asosida amalga oshirib bo‘lgandi.
Eslatib o‘tamiz, oldinroq Kreml Rossiya va Tatariston o‘rtasidagi vakolatlarni chegaralash bo‘yicha shartnomani uzaytirish yoki yangi shartnoma tuzish niyatida emasligi bildirilgandi.
Izoh (0)