Peru sobiq prezidenti Olyanta Umala 13-iyul, payshanba kuni rafiqasi bilan birgalikda o‘zining tergov ishlari davom etguniga qadar bir yarim yillik sud oldi qamoq jazosiga mahkum etildi va u o‘z muddatini Diroes qamoqxonasida o‘taydi. Ushbu qamoqxonada mamlakatning yana bir sobiq prezidenti Alberto Fuximori ham o‘z jazosini o‘tamoqda, deb xabar berdi “RIA Novosti”.
Comercio portalining ma’lum qilishicha, Peru jinoiy jazo ijrosi milliy instituti Umalaning xotini Nadin Erediyani Virgen de Fatima ayollar qamoqxonasiga yuborish bo‘yicha qaror qabul qildi.
Tergov ma’lumotlariga ko‘ra, Umala prezident etib saylanguniga qadar (u 2016-yilning iyulida vazifasini tark etgan) Venesuela hukumati, shuningdek, Odebrecht qurilish kompaniyasi va OAS firmasidan 2006 va 2011-yillarda Peru milliy partiyasining saylovoldi kampaniyasini moliyalashtirishi uchun pul olgan bo‘lishi mumkin.
Umala sudyalarning sudga qadar qamoqda saqlanish qaroriga o‘z vakolatini suiis’temol qilishning isboti deya izoh berdi va u o‘zining huquqlari himoyasi uchun kurashish niyatida ekanligini bildirdi.
Umala Peru sobiq rahbariga bu kabi chora qo‘llanilgan ikkinchi prezident hisoblanadi. Birinchisi 79 yoshli Fuximori bo‘lib, u 1990—2000-yillar oralig‘ida prezidentlik lavozimida ishlagan. Hozirda u o‘zining korrupsiya va boshqa jinoyatlari uchun 25 yillik qamoq jazosini o‘tamoqda.
Izoh (0)