Misrning Xurgada shahridagi mehmonxonaga uyushtirilgan hujum oqibatida ikki nafar Germaniya fuqarosi halok bo‘ldi. Bu haqda Reuters agentligiga Qizil dengiz mintaqasi xavfsizlik xizmati vakili Muhammad al-Hamzaviy bayonot berdi, deb xabar qiladi Meduza.
Hujum chog‘ida Chexiya, Rossiya va Ukrainaning bir nafardan, Armanistonning ikki nafar fuqarosi jabrlandi.
Hujum 14-iyul ertalabki soatlarda ro‘y berdi. Mehmonxonaga dengiz orqali kirgani taxmin qilinayotgan erkak bu yerda dam olayotgan chet elliklarga pichoq bilan hujum qildi. AP’ga ko‘ra, hujum paytida u arabchalab: “Yo‘ldan qoch, menga misrliklar kerak emas” deb baqirgan.
Reuters’ga ko‘ra, dastlab u Zahabia mehmonxonasida to‘rt kishini, so‘ng qo‘shni Sunny Days El Palacio mehmonxonasida yana ikki kishini jarohatlagan.
Izoh (0)