Гамбург транспорт уюшмаси шаҳарда G20 саммити ўтказилган кунлари юз берган тартибсизликларда автомобили ёниб кетган ёки шикастланган фуқароларга ойлик йўл чипталари тақдим этишга қарор қилди. Бу ҳақда «РИА Новости» хабар бермоқда.
Handelsblatt нашрига кўра, ойлик йўл чипталари шаҳар ва унинг яқинидаги жамоат транспорти, экспресс-автобуслар ва маҳаллий поездлардаги қатновларни ўз ичига олади.
Бепул чипталарни олиш учун фуқаро Гамбург транспорт уюшмасига талабнома бериши ва ёниб кетган автомобиль эгаси эканлиги, юз берган ҳолат ҳақида расмийларга маълум қилганлигини исботлаши зарур.
10 июль, душанба кунининг ўзида уюшмага чипта олиш учун 5 киши мурожаат қилди.
Изоҳ (0)