Porsche kompaniyasi o‘z tarixidagi eng qudratli 911 — yangi avlod GT2 RS’ni taqdim etdi. Bu haqda Motor xabar bermoqda.
Model taqdimoti Gudvuddagi (Buyuk Britaniya) tezlik festivalida bo‘lib o‘tdi. Superkar 700 ot kuchi va 3,8 litr hajmga ega biturbo hamda yetti bosqichli avtomatlashgan uzatmalar qutisi bilan jihozlanadi. Agregat Turbo S versiyasidagi 580 ot kuchiga ega motor asosida qurilgan.
Avtomobil soatiga 100 kilometr tezlikka 2,8 soniyada chiqadi (Turbo S’ dan 0,1 soniyaga tezroq). Maksimal tezlik soatiga 340 kilometrga teng. 1470 kilogrammli superkarning ayrim qismlari karbon, tomi esa magniydan tayyorlangan.
Mashina kamida 285 220 yevro turadi. Uning ming nusxada chiqarilishi taxmin qilingandi, biroq bu ma’lumot tasdiqlanmadi.
Kompaniya GT2 RS Nyurburgringni yetti daqiqadan kamroq vaqt ichida aylanib chiqishi mumkinligiga umid qilmoqda. Superkarning o‘tmishdoshi buning uchun yetti daqiqa va 18 soniya sarflardi.
Izoh (0)