O‘zbekiston avtomobilsozlik sanoatida mahsulot ishlab chiqarish sur’ati 2021-yilga borib 2016-yilga nisbatan uch barobarga oshadi. Bu haqda “Jahon” agentligi xabar bermoqda.
Xususan, yengil avtomobil ishlab chiqarish hajmi 2021-yilga borib yiliga 240 ming donani tashkil etadi (2016-yili O‘zbekistonda 88,6 ming dona avtomobil ishlab chiqarilgan).
Bundan tashqari, avtobus va yuk mashinalari ishlab chiqarishning yillik hajmini 6,9 ming donagacha (2016-yilda — 4,4 ming dona), yengil tijoriy avtomobillar ishlab chiqarishni esa 6,2 ming donaga yetkazish (hozir bunday avtolar ishlab chiqarilmayapti) ko‘zda tutilgan.
Bundan tashqari, yengil avtomobillar bo‘yicha mahalliylashtirish darajasi 2021-yilga borib 74,2 foizga (2016-yilda — 69,9 foiz), avtobuslar va yuk mashinalari bo‘yicha esa 43,3 foizga (2016-yilda — 39,6 foiz) yetadi.
Izoh (0)