Актриса ва БМТнинг қочоқлар иши бўйича махсус вакили Анжелина Жоли мактаб ўқувчиларини инсон ҳуқуқлари учун курашишга чақирди. Бу ҳақда «Газета.ru» хабар бермоқда.
Лондондаги Альберт-холлда ўзининг эркинликлар ҳақидаги тушунчасини тақдим этиш учун 600 дан ортиқ ўқувчи тўпланди. Тадбир олдидан уларга Жолининг видеомурожаати намойиш этилди.
«Болалар, сиз менга, барчамизга зарурсиз. Биз, катталар, ҳозир бироз саросимадамиз. Биз ҳаммаси назоратимиз остида эканлиги, барчаси яхши бўлади, деб ўйлашингизни истаймиз. Шундай бўлади ҳам», — таъкидлади актриса.
Актриса БМТнинг болалар ҳуқуқлари ҳақидаги конвенциясини қонунлар тўпламига тенглаштирди. Жолига кўра, агар болалар уни ўқиб-ўрганса, ўзлари ва дўстларини ҳеч ким алдай олмайди.
Изоҳ (0)