Ukrainaning bir qancha kompaniyalari kompyuter tizimlariga uyushtirilgan virusli hujum Rossiyadan yoki Donbass hududidan tashkil etilgan. Bu haqda Ukraina xavfsizlik xizmati matbuot kotibi Yelena Gitlyanskaya bayonot berdi, deb xabar qiladi Meduza.
Uning ta’kidlashicha, xakerlarning asosiy nishoni Ukraina bank tizimi bo‘lgan.
27-iyun kuni Ukrainadagi bir necha o‘n kompaniya va tashkilotlar kompyuterlariga xakerlik hujumlari uyushtirildi. Zarar ko‘rgan kompyuterlarning ayrimlari Ukraina hukumatiga tegishlidir.
Ukraina ichki ishlar vaziri maslahatchisi Zoryan Shkiryak “112 Ukraina” telekanali efirida Rossiyani ushbu hujumlarni tashkillashtirishda aybladi.
Izoh (0)