Londonda qirolicha Yelizaveta II ning tavallud kuni munosabati bilan tashkil etilgan an’anaviy parad vaqtida besh nafar gvardiyachi hushidan ketdi. Bu haqda “RIA Novosti” xabar bermoqda.
Havo harorati +25 darajadan oshgan kunda harbiy xizmatchilar mo‘ynali kiverlarni kiyib olgan edi.
“Kun haddan tashqari issiq edi. Hushidan ketganlarning bari paraddan olib chiqildi, ularni shifokorlar ko‘zdan kechirib, suv berdi”, — deya izoh berdi voqeaga Britaniya armiyasi.
Hushidan ketgan harbiylardan biri kameraga tushgan bo‘lib, videoyozuv Press Association agentligi tomonidan e’lon qilindi.
Izoh (0)