Fotogalereya: Dunyoga mashhur asrandi farzandlar

AdMe nashri oxiri yaxshilik bilan tugagan, mashhurlik va muvaffaqiyatga erishgan asrandi farzandlar haqida ma’lumot to‘plab taqdim etdi.

Stiv Jobs va uning biologik otasi Abdulfattoh Jandali

Stiv Jobs 1955-yil 24-fevralda San-Fransiskodagi xususiy shifoxonada tug‘ilgan. Uning biologik onasi, talaba Joan Shible ota-onasining bosimi sabab farzandidan voz kechishga majbur bo‘lgan. Qizi suriyalik Abdulfattoh Jandalidan homilador bo‘lib qolganini bilgan ota-ona uni merosdan mahrum qilish bilan qo‘rqitgan.

Stivning o‘gay otasi Pol Jobs bolakayni elektronikaga bo‘lgan muhabbatini shakllantirishda muhim rol o‘ynagan va uning ta’lim olishi uchun pul to‘lagan. Stiv Jobsga ota-onasi uni “asrab olingan” deyishlari juda yoqmagan: “Ular mening 100 foiz haqiqiy ota-onam”.

Nikol Richi va uning biologik otasi Piter Maykl Eskovedo

Nikol Richining ota-onasi uni 3 yoshiga qadar tarbiya qilgan. Shundan so‘ng uni o‘z do‘sti Layonel Richiga vasiylikka berishgan. Bunga og‘ir moliyaviy vaziyat sabab bo‘lgan. Olti yil o‘tgach Layonel Richi va uning xotini Brenda Xarvi-Richi Nikolni rasman asrab olishgan, uning cho‘qintirgan otasi esa Maykl Jekson bo‘lgan.

Jeymi Foks

Amerikalik mashhur aktyor Jeymi Foks Texasda Luiza Dikson va Derrel Bishop oilasida tug‘ilgan. Tug‘ilganidan ko‘p o‘tmay ota-ona Jeymidan voz kechgan va uni Mark Telli hamda Esfir Marilar oilasiga topshirgan.

Rey Liotta

Reyning biologik ota-onasi bolakayni tarbiya qila olmagani sabab unda voz kechgan. Reyni o‘ziga to‘q italyan oilasi Linda ismli qiz bilan birgalikda asrab olgan.

Koko Shanel

Dunyodagi eng mashhur dizayner ayol bo‘lmish Koko 1883-yilda Somyurda tug‘ilgan. Uning ota-onasi o‘z farzandlarini ta’minlay olmagani (oilada Kokodan tashqari yana 4 nafar farzand bo‘lgan) sabab bolakaylar asosiy vaqtini qarindoshlarinikida o‘tkazgan. Koko 12 yoshga to‘lganida otasi oilani tashlab ketgan, qizaloqni esa internatga topshirishgan. Kokoning so‘zlariga ko‘ra aynan shu voqea o‘z sohasini tanlashiga turtki bo‘lgan: butun umr kulrang kiyimda yurishga majbur bo‘lgan qiz dunyodagi barcha ayollarni chiroyli kiyintirishni orzu qilgan.

Jon Lennon

Jon tug‘ilganidan ko‘p o‘tmay uning ota-onasi ajrashib ketgan. Onasi boshqa bir erkakni topgach, bolakayni Mimi xolasiga topshirishgan. Lennonning so‘zlariga ko‘ra, Mimi juda qattiqqo‘l bo‘lgan va bolakayning gitara chalishini ma’qullamagan. Jonning eslashicha, xolasi doim “Gitara — yaxshi buyum, biroq u pul topishingga yordam bermaydi!” deya qaytarishni yaxshi ko‘rgan.