Senegal Saudiya Arabistoni nuqtai nazarini qo‘llab-quvvatlash ramzi o‘laroq Qatardagi elchisini chaqirib olishini ma’lum qildi. Bu haqda, Reuters’ga asoslanib, “RIA Novosti” xabar bermoqda.
“Senegal 2017-yil 7-iyun, chorshanbadan Qatardagi elchsini maslahatlashuv uchun chaqirib olishga qaror qildi”, — deyiladi mamlakat TIV tarqatgan bayonotda.
Muqaddam qator arab davlatlari Qatar bilan diplomatik aloqalarni uzdi. Ular qatoriga boshqa davlatlar qo‘shilib bormoqda. Jumladan, Saudiya Arabistoni, Bahrayn, Misr, BAA, Yaman, Liviya, Maldiv orollari, Mavrikiy va Komor orollari Qatar bilan diplomatik aloqalarini uzgan edi. O‘z navbatida, Qatar arab davlatlarining diplomatik aloqalarni uzish haqidagi qarorini noo‘rin deb baholadi. Qatarga qarshi sanksiyalar joriy etilish ehtimoli mamlakat aholisini oziq-ovqat zaxiralarini to‘ldirishga majbur qilmoqda.
Bundan tashqari, Eron Qatarga o‘z havo hududida parvozlar amalga oshirishga ruxsat berdi.
Izoh (0)