Bahrayn hukumati mamlakatdagi yagona mustaqil gazetani yopdi

Bahrayn hukumati mamlakatdagi yagona nohukumat Al-Wasat gazetasini yopib qo‘ydi. Bunga arab mamlakati haqidagi nomuvofiq ma’lumotni o‘z ichiga olgan qayd sabab bo‘ldi. Bu haqda BNA yangiliklar agentligiga tayanib, “Gazeta.ru” xabar bermoqda.

Al-Wasat jamiyatda nifoq tarqatuvchi va Bahrayn Qirolligining boshqa davlatlar bilan munosabatlarini yomonlashtiruvchi maqolalar tarqatganligi ta’kidlanmoqda.

Milliy agentlik qo‘shimcha ma’lumotlar keltirmadi va mazkur OAVni yopish haqidagi qaror gazetaning 4-iyun kungi soni 19-sahifasidagi maqola tufayli qabul qilinganligini ta’kidlab o‘tdi.