Xitoy sharqidagi neftkimyo korxonasida yuz bergan portlashda bir kishi halok bo‘ldi, 7 kishi bedarak yo‘qoldi. Yana 6 kishi jarohat oldi. Bu haqda “TASS” xabar bermoqda.
Lini shahrining (Shandun provinsiyasi) Lingan maxsus iqtisodiy zonasidagi “Lini Szinyuy petrokemikal” korxonasida 4-iyun, yakshanba kechki payt neft mahsulotlari tashiyotgan mashinalardan biri portlab ketdi.
O‘t o‘chiruvchilar korxonani qamrab olgan yong‘in qarshi kurashni davom ettirmoqda. Avariya yuz bergan hudud favqulodda xizmatlar tomonidan o‘rab olindi.
Hodisa sabablariga aniqlik kiritilmoqda. Politsiya korxona egasini qo‘lga olgani bildirilmoqda.
Izoh (0)