Buyuk Britaniya fuqarosi Monik Jeffri kulayotib umurtqasiga shikast yetkazdi. Besh yil avval u aksirish davomida shu kabi shikastlanish olgan edi. Bu haqda Daily Mirror nashri xabar bermoqda.
Ayol ishxonada bo‘yni og‘rib qolganini hikoya qiladi. Taxminan, bir soatdan keyin u hamkasbining haziliga kulgan va qisman falaj bo‘lib qolgan. Shifoxonada uni tomografiya qilishgan va u yana bo‘yin umurtqasiga shikast yetkazganligi aniqlangan.
Birinchi hodisa besh yil avval yuz bergan. O‘shanda Jeffri karavotda yotib aksirgan va boshining keskin harakati ikki bo‘yin umurtqasining kollapsiga sabab bo‘lgan. U o‘rnidan tura olmagan, biroq eriga tez yordam chaqirishini so‘rab sms yuborgan. Ayol bosh harakatini cheklovchi maxsus fiksator bilan 14 hafta yurishga majbur bo‘lgan.
“Endi hech qanday kulish va aksirish yo‘q! Bundan keyin har doim ehtiyot bo‘lishimga to‘g‘ri keladi”, — deydi Jeffri.
Izoh (0)