Британиялик аёл кулги ва аксириш туфайли икки марта бўйнини синдириб олди
Буюк Британия фуқароси Моник Жеффри кулаётиб умуртқасига шикаст етказди. Беш йил аввал у аксириш давомида шу каби шикастланиш олган эди. Бу ҳақда Daily Mirror нашри хабар бермоқда.
Аёл ишхонада бўйни оғриб қолганини ҳикоя қилади. Тахминан, бир соатдан кейин у ҳамкасбининг ҳазилига кулган ва қисман фалаж бўлиб қолган. Шифохонада уни томография қилишган ва у яна бўйин умуртқасига шикаст етказганлиги аниқланган.
Биринчи ҳодиса беш йил аввал юз берган. Ўшанда Жеффри каравотда ётиб аксирган ва бошининг кескин ҳаракати икки бўйин умуртқасининг коллапсига сабаб бўлган. У ўрнидан тура олмаган, бироқ эрига тез ёрдам чақиришини сўраб смс юборган. Аёл бош ҳаракатини чекловчи махсус фиксатор билан 14 ҳафта юришга мажбур бўлган.
«Энди ҳеч қандай кулиш ва аксириш йўқ! Бундан кейин ҳар доим эҳтиёт бўлишимга тўғри келади», — дейди Жеффри.
