МДҲ давлатлари махсус хизматлари «Душанбе-Антитеррор — 2017» қўшма аксилтеррорчилик машғулотларида террорчилар томонидан тарафдорларни ёллашдан тортиб, давлатни тўнатаришга уринишгача бўлган мақсадларда интернетдан фойдаланиш ҳолатларини машқ қилди, деб ёзади «ТАСС».
Биринчи босқичда махсус хизматлар интернет-ёлловчиларни, улар ҳатто коммуникатор телефон дастурларидан фойдаланса-да, аниқлаш имкониятларини синаб кўрди.
Машғулотларнинг иккинчи босқичида эса махсус хизматларнинг ижтимоий тармоқлар, интернет-форумлар ва блоглар орқали «бутунжаҳон халифалиги» ғоясини тарқатаётган ва кенг кўламли терактлар уюштириш учун шериклар қидираётган ИШИД террорчилик гуруҳи аъзолари фаолиятига қарши малакалари машқ қилинди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)