Xirosimadagi atom bombardimoni haqida harbiylarga birinchi bo‘lib ma’lumot yetkazgan yaponiyalik ayol Yosie Oka 86 yoshida limfoma tufayli olamdan o‘tdi. Bu haqda “RIA Novosti” xabar bermoqda.
Ayol 19-may kuni vafot etganiga qaramay, bu haqda matbuot endi yozib chiqdi.
1945-yili 14 yoshli maktab o‘quvchisi bo‘lgan Yosie Oka mahalliy harbiy qo‘mondonlik markazida aloqachi bo‘lib ishlagan. Aynan u Yaponiya imperatorlik armiyasi harbiylari bilan birinchi bo‘lib bog‘lanib, “Xirosima yangi tipdagi bomba bilan yo‘q qilingan”ini ularga ma’lum qilgan.
Yosie Oka turli tadbirlarda tez-tez ishtirok etib, boshidan kechirgan fojia haqida hikoya qilar va yadroviy qurolsizlantirish yo‘lida targ‘ibot olib borar edi.
Izoh (0)