Хиросимадаги атом бомбардимони ҳақида ҳарбийларга биринчи бўлиб маълумот етказган япониялик аёл Ёсиэ Ока 86 ёшида лимфома туфайли оламдан ўтди. Бу ҳақда «РИА Новости» хабар бермоқда.
Аёл 19 май куни вафот этганига қарамай, бу ҳақда матбуот энди ёзиб чиқди.
1945 йили 14 ёшли мактаб ўқувчиси бўлган Ёсиэ Ока маҳаллий ҳарбий қўмондонлик марказида алоқачи бўлиб ишлаган. Айнан у Япония императорлик армияси ҳарбийлари билан биринчи бўлиб боғланиб, «Хиросима янги типдаги бомба билан йўқ қилинган»ини уларга маълум қилган.
Ёсиэ Ока турли тадбирларда тез-тез иштирок этиб, бошидан кечирган фожиа ҳақида ҳикоя қилар ва ядровий қуролсизлантириш йўлида тарғибот олиб борар эди.
Изоҳ (0)