Livan armiyasi Suriya bilan chegara yaqinidagi Nabi Usmon manzilida IShID bilan aloqador guruhga qarshi operatsiya o‘tkazdi. Bu haqda “TASS” xabar bermoqda.
“Al-Mayadin” telekanaliga ko‘ra, harbiylar guruh yetakchisi Bilol Buraydiyni qo‘lga olishga harakat qildi, biroq u o‘zini portlatib yubordi. Buning oqibatida olti nafar askar jarohat oldi.
Terrorchilar Beka’ vodiysidagi Ras-Baalbek shahridagi nasroniy cherkovlariga hujumni rejalashtirgani bildirilmoqda. Ularning bazasida portlovchi moddalar zaxirasi aniqlandi.
Ma’lumot uchun, 24-may kuni Ras-Baalbekdagi cherkovlardan biri devori yaqinida ikki portlash sodir etildi. Mahalliy aholidan hech kim jabrlanmadi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)