Oq uy va Barak Obamaning shaxsiy fotografi Pit Souza Donald Tramp AQSh prezidenti lavozimini egallagandan beri birinchi rasmiy fotosessiyani o‘tkazdi. Bu haqda TJournal xabar bermoqda.
U boshqa bir “prezident” — “Qog‘oz uy” serialidagi aktyor Kevin Speysi o‘ynagan Frenk Andervudni suratga oldi.
Souza Netflix shousining beshinchi mavsumi promo-kampaniyasi uchun lavhalar oldi. Fotosessiya Vashingtonda, Martin Lyuter King memoriali yaqinida va saylovchilar bilan “muloqot” davomida amalga oshirildi.
2016-yili Kevin Speysining AQSh prezidenti timsolidagi portreti Vashingtondagi milliy galereyada ham paydo bo‘ldi. “Qog‘oz uy” serialining beshinchi mavsumi 30-maydan boshlanadi.
Ma’lumot uchun, joriy yil noyabrida Souzaning Obama: An Intimate Portrait nomli kitobi chop etilishi kutilmoqda. Unda Barak Obamaning davlat rahbari lavozimidagi eng yaxshi fotolari jamlanadi.
Izoh (0)