Qoraygan, dog‘ bosgan, ezilgan — bunday bananlar hech qachon ishtahani ochmaydi. Lekin ular nonushta yoki shirinlik tarkibida sizning maxfiy qurolingizga aylanishi mumkin, chunki bu pishib ketgan bananlardagi ko‘p miqdorli shakarli pishiriqlardagi shakar o‘rnini bosa oladi. Shuningdek yuqori darajadagi namlik retseptlardagi yog‘lar miqdorini kamaytirishga yordam beradi.
Keyingi safar oshxonangizda qoraygan bananlarni ko‘rsangiz, bu qimmatli masalliqdan retseptlaringizda foydalaning.
Sutli kokteylni eslatuvchi smuzi
Muzlatilgan pishib o‘tib ketgan bananlar smuzilar uchun juda mos. Dasturxonda pishib o‘tib ketgan bananlarni ko‘rib qolsangiz — ularni po‘chog‘idan tozalang, dumaloq shaklda kesing va muzxonaga qo‘ying.Sersuv bananli non
Bu shirinlik uchun ezilgan bananlar juda mos keladi. Unchalik pishmagan mevalar esa aksincha, pishiriqni buzadi. Retseptingizga golubika qo‘shing, ustiga jigarrang shakar seping va mukammal bananli nonlar tayyor bo‘ladi!Foydali pechenyelar
Ezilib pishib ketgan banan va suli yormasi pechenyedagi un va shakarning o‘rnini bemalol bosadi. Biroz shokolad maydalari va bodom yog‘i qo‘shsangiz bu pechenyeni dunyodagi eng foydali pechenye deb hisoblasa ham bo‘ladi.Sutsiz muzqaymoq
Bananlar — uyda tayyorlanadigan muzqaymoqlar uchun eng yaxshi o‘rin bosuvchi hisoblanadi. Ba’zilar muzqaymoq sifatida muzlagan bananning o‘zini hech qanday qo‘shimchalarsiz yeyishni xush ko‘rishadi. Retseptni yong‘oq yog‘i, shokolad va hatto protein kukuni yordamida qiziqarliroq qilish mumkin.Bananli oladyilar
Yengil va foydali nonushtaga nima tayyorlashni o‘ylayotgan bo‘lsangiz banan, tuxum va bir chimdim limon qobig‘idan tayyorlangan ziravorlardan oladyi pishirsangiz bo‘ladi! Bu nonushta kaloriyasi kam, lekin foydali moddalarga juda boy hisoblanadi.Manba: “Zdorovie.com”
Izoh (0)