AQShda istalgan uchuvchi qurilmani mustaqil boshqarishga qodir robot sinovdan o‘tkazildi. Bu haqda “Nauka” ma’lum qildi.
Aurora Flight Sciences kompaniyasi tomonidan yaratilgan ALIAS avtomatlashgan tizimi Boeing 737 samolyoti simulyatorini muvaffaqiyatli qo‘ndirdi.
Robot uchuvchilar kabinasiga monand tayyorlangan yo‘lovchi samolyoti trenajyoriga o‘rnatildi. ALIAS havo kemasini aeroportgacha olib borish va qo‘nishni amalga oshirishi lozim bo‘lgan ikkinchi uchuvchi vazifasini bajardi.
Kompaniya muhandislariga ko‘ra, tizim istalgan uchish qurilmalarida ishlashi mumkin va moslashtirishni talab etmaydi. Kelgusida mazkur texnologiya ularni uchuvchisiz uchish qurilmalariga aylantirish imkonini beradi.
https://youtu.be/om18cOWFL3Q
Izoh (0)