“Real” mag‘lub bo‘lganiga qaramay, Chempionlar ligasining finaliga yo‘l oldi

Yevropa Chempionlar ligasining finalida Madridning “Real” va Turinning “Yuventus” klublari to‘p suradi.

Yarim finalning birinchi juftligida “Yuventus” har ikki o‘yinda ham “Monako”dan ustun kelgandi. Madrid derbisi shaklida o‘tgan ikkinchi juftlik esa “Real”ning ustunligi bilan yakunlandi.

“Santyago Bernabeu”da kechgan birinchi o‘yinda Krishtianu Ronalduning xet-trigi “Real”ning yirik g‘alabasini ta’minlagandi. Javob o‘yinida ham 3 ta gol urildi. Shulardan ikkitasi “Atletiko”ga tegishli bo‘ldi.

Mezbonlar 16-daqiqaga keliboq ikki gol farqi bilan oldinga chiqib olgandi. Isko tomonidan urilgan javob goligina “Qirollik klubi”ning ishini yengillashtirdi.

Ma’lumot uchun, Chempionlar ligasida ketma-ket ikki bor g‘olib chiqish hozircha hech bir klubga nasib qilmagandi. “Real” bu borada birinchi bo‘lib olishi mumkin.

Yevropa Chempionlar ligasi Yarim final 10-may, chorshanba

“Atletiko” — “Real” 2:1