Avstraliyada akula uni arqonlamoqchi bo‘lgan erkakni tishlab oldi. Bu haqda “9news.com.au” sayti ma’lum qildi.
Voqea Kvinslend shtati qirg‘oqlarida ro‘y berdi. Baliqchi qayiqdan dengizga sakradi. U yerda 2,7 metr uzunlikka ega limon akulasi suzib yurgan edi. Akula baliqchilik anjomiga ilashib qolgan edi. Uni ozod qilish maqsadida erkak nahangni qayiqqa olib chiqmoqchi bo‘ldi.
Ammo baliqchi uning dumiga arqon tashlashga uringanida nahang chap berib, erkakning oyog‘idan tishlab oldi. Erkak sonidagi yarani tutganicha suvdan chiqib olishga erishdi.
Uning do‘stlari erkakni Keyp-York yarim orolidagi (Kvinslend shimoli) shifoxonaga yetkazdi.
Akula tutildi, uning go‘shtidan krablar uchun xo‘rak tayyorlandi.
Izoh (0)