Nyu-York rasmiylari 2016-yilda shahar aholisini megapolis tarixidagi rekord summa — jami 993 million dollar miqdoridagi jarimalarga tortdi. Bu haqda “TASS” xabar bermoqda.
O‘tgan yilga nisbatan jarimalarning umumiy hajmi 7 foizga o‘sdi.
Avtomobillarning belgilanmagan joylarda qoldirilgani uchun jarimalar shahar budjetiga 2016-yilda 545 million dollar — barcha jarimalarning 55 foizini keltirdi.
Statistikaga ko‘ra, mansabdorlar shaharliklarga chiqindilar olinmagani, uy oldidagi yo‘laklar tozalanmagani, ruxsat etilmagan paytda shovqin solingani, noqonuniy savdo-sotiqni amalga oshirgani va boshqa belgilangan qoidalarga zid harakatlari uchun 700 mingta bildirishnoma taqdim etgan.
Izoh (0)