AQSh prezidenti Donald Tramp noqonuniy muhojirlar ommaviy tartibda ko‘chib boradigan “boshpana-shaharlar”ni mamlakat uchun kulfat deb atadi. Bu haqda “TASS” xabar bermoqda.
“Boshpana-shaharlar o‘ta xavfli va juda yomon. Biz huquq-tartibot sohasida ajoyib natijalarga erishyapmiz, chegaradagi ishlar ham qoyilmaqom darajada. Barcha eng iste’dodli vakillarimiz boshpana-shaharlar kulfat ekanligini bildirmoqda”, — deya ta’kidladi prezident Washington Examiner gazetasiga bergan intervyusida.
Davlat rahbari uning immigratsiya borasidagi farmonlari ijrosini vaqtincha to‘xatib qo‘ygan sudlar qarorlarini keskin tanqid qildi.
Eslatib o‘tamiz, oldinroq San-Fransisko federal sudi Donald Trampning “boshpana-shaharlar”ni budjet orqali moliyalashtirishdan mahrum etish haqidagi farmoniga taqiq qo‘ygandi.
AQShda “boshpana-shaharlar” ilk bor o‘tgan asrning 70-yillarida paydo bo‘lgandi. Hozir mamlakatda mahalliy rasmiylari aholisining muhojirlik maqomi haqida federal hukumatga ma’lum qilishdan bosh tortayotgan 300 dan ortiq shunday shahar mavjud.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)