АҚШ президенти Дональд Трамп ноқонуний муҳожирлар оммавий тартибда кўчиб борадиган «бошпана-шаҳарлар»ни мамлакат учун кулфат деб атади. Бу ҳақда «ТАСС» хабар бермоқда.
«Бошпана-шаҳарлар ўта хавфли ва жуда ёмон. Биз ҳуқуқ-тартибот соҳасида ажойиб натижаларга эришяпмиз, чегарадаги ишлар ҳам қойилмақом даражада. Барча энг истеъдодли вакилларимиз бошпана-шаҳарлар кулфат эканлигини билдирмоқда», — дея таъкидлади президент Washington Examiner газетасига берган интервьюсида.
Давлат раҳбари унинг иммиграция борасидаги фармонлари ижросини вақтинча тўхатиб қўйган судлар қарорларини кескин танқид қилди.
Эслатиб ўтамиз, олдинроқ Сан-Франциско федерал суди Дональд Трампнинг «бошпана-шаҳарлар»ни бюджет орқали молиялаштиришдан маҳрум этиш ҳақидаги фармонига тақиқ қўйганди.
АҚШда «бошпана-шаҳарлар» илк бор ўтган асрнинг 70 йилларида пайдо бўлганди. Ҳозир мамлакатда маҳаллий расмийлари аҳолисининг муҳожирлик мақоми ҳақида федерал ҳукуматга маълум қилишдан бош тортаётган 300 дан ортиқ шундай шаҳар мавжуд.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)