Birlashgan Arab Amirliklaridagi Warner Bros. World Abu Dhabi mavzuli bog‘ida Betmen haqidagi hikoyalarda tilga olinadigan Gotem-siti shahrini qurishadi. Bu haqda The Hollywood Reporter’ga tayanib, Afisha Daily xabar berdi.
Superqahramon haqidagi hikoyalarda Gotem-siti AQShning Sharqiy sohillarida joylashgan. Uning prototiplari Nyu-York va Chikago hisoblanadi. Gotem-sitidan tashqari, bog‘ hududida “Metropolis”, “Luni Tyunz shousi” va Xanna — Barbera studiyasi multfilmlari orqali esda qolgan landshaftlar ham paydo bo‘ladi.
Warner Bros. World Abu Dhabi 2018-yilda ochilishi rejalashtirilgan. Attraksionlar bog‘ining umumiy hududi 150 ming kvadrat metr maydonni tashkil etadi.
Izoh (0)