Бирлашган Араб Амирликларидаги Warner Bros. World Abu Dhabi мавзули боғида Бэтмен ҳақидаги ҳикояларда тилга олинадиган Готэм-сити шаҳрини қуришади. Бу ҳақда The Hollywood Reporter’га таяниб, Afisha Daily хабар берди.
Суперқаҳрамон ҳақидаги ҳикояларда Готэм-сити АҚШнинг Шарқий соҳилларида жойлашган. Унинг прототиплари Нью-Йорк ва Чикаго ҳисобланади. Готэм-ситидан ташқари, боғ ҳудудида «Метрополис», «Луни Тюнз шоуси» ва Ханна — Барбера студияси мультфильмлари орқали эсда қолган ландшафтлар ҳам пайдо бўлади.
Warner Bros. World Abu Dhabi 2018 йилда очилиши режалаштирилган. Аттракционлар боғининг умумий ҳудуди 150 минг квадрат метр майдонни ташкил этади.
Изоҳ (0)