Rashidov Qatar chempioni darvozasiga gol urib, “Al-Jaish”ni kubok finaliga olib chiqdi

O‘zbekiston milliy terma jamoasining Qatarda to‘p suradigan futbolchisi Sardor Rashidov “Al-Jaish”ni Valiahd shahzodasi kubogi finaliga olib chiqdi.

Musobaqaning yarim finaliga chempionatni dastlabki to‘rt o‘rinda yakunlagan klublar yetib kelgandi. Avvaliga kumush medalni qo‘lga kiritgan “As-Sadd”, bronza egasi “Ar-Rayyan” ustidan 3:2 hisobida ustun keldi. Keyin esa mamlakat chempioni “Lahviya” kuchli uchlikka kira olmagan “Al-Jaish”dan mag‘lub bo‘ldi — 2:3.

https://www.instagram.com/p/BTKC1JOlLqj/?taken-by=alkasssports

“Al-Jaish” futbolchilariga g‘alaba keltirgan gol Sardor Rashidov tomonidan urildi. Endi uning jamoasi finalda Xavi to‘p suradigan “As-Sadd” bilan bellashadi.

Ma’lumot uchun, chempionatning so‘nggi turida ham bu ikki klub o‘zaro to‘qnash kelgan bo‘lib, unda “As-Sadd” 2:1 hisobida zafar quchgan, Rashidov esa Xavi klubi darvozasiga Van Basten uslubida gol urgandi.

Qatar Valiahd shahzodasi kubogi Yarim final o‘yini 21-aprel, juma

“Lahviya” — “Al-Jaish” 2:3