Рашидов Қатар чемпиони дарвозасига гол уриб, «Ал-Жаиш»ни кубок финалига олиб чиқди

Ўзбекистон миллий терма жамоасининг Қатарда тўп сурадиган футболчиси Сардор Рашидов «Ал-Жаиш»ни Валиаҳд шаҳзодаси кубоги финалига олиб чиқди.

Мусобақанинг ярим финалига чемпионатни дастлабки тўрт ўринда якунлаган клублар етиб келганди. Аввалига кумуш медални қўлга киритган «Ас-Садд», бронза эгаси «Ар-Райян» устидан 3:2 ҳисобида устун келди. Кейин эса мамлакат чемпиони «Лаҳвия» кучли учликка кира олмаган «Ал-Жаиш»дан мағлуб бўлди — 2:3.

https://www.instagram.com/p/BTKC1JOlLqj/?taken-by=alkasssports

«Ал-Жаиш» футболчиларига ғалаба келтирган гол Сардор Рашидов томонидан урилди. Энди унинг жамоаси финалда Хави тўп сурадиган «Ас-Садд» билан беллашади.

Маълумот учун, чемпионатнинг сўнгги турида ҳам бу икки клуб ўзаро тўқнаш келган бўлиб, унда «Ас-Садд» 2:1 ҳисобида зафар қучган, Рашидов эса Хави клуби дарвозасига Ван Бастен услубида гол урганди.

Қатар Валиаҳд шаҳзодаси кубоги Ярим финал ўйини 21 апрель, жума

«Лаҳвия» — «Ал-Жаиш» 2:3