O‘zbekiston Prezidenti Shavkat Mirziyoyevning qaroriga asosan Obid Odilov O‘zbekiston Avtomobil yo‘llari davlat qo‘mitasi raisi o‘rinbosari — bosh muhandis etib tayinlandi. Bu haqda UzDaily xabar berdi.
Obid Odilov bungacha “O‘zavtoyo‘l” DAK boshqaruvi raisi o‘rinbosari — bosh muhandis lavozimida ishlagan.
Odilov Obid Choriyevichning tarjimayi holi
1983-yil 7-noyabrda Buxoro viloyati Olot tumanida tug‘ilgan. Millati: o‘zbek.
Ma'lumoti oliy. 2002—2008-yillarda Toshkent avtomobil va yo‘llar institutida bakalavr va magistratura bosqichlarida o‘qigan.
Mutaxassisligi: transport vositalarini ishlatish va ta’mirlash (avtotransport bo‘yicha); harakatlanish xavfsizligi va uni tashkil etish.
Mehnat faoliyati
2008—2010-yillarda — “Avtomagistral” ixtisoslashgan avtomobil yo‘llarini qurish-ta’mirlash birlashmasi Avtomobil yo‘llarini qurish-ta'mirlash va foydalanish davlat korxonasi 403-sonli yo‘l bo‘limi katta dispetcheri.
2010—2010-yillarda — “Avtomagistral” ixtisoslashgan avtomobil yo‘llarini qurish-ta’mirlash birlashmasi Xalqaro va davlat ahamiyatidagi avtomobil yo‘llaridan foydalanish filiali harakat xavfsizligini ta’minlash muhandisi.
2010—2010-yillarda — “Toshkentavtoyo‘l” hududiy yo‘llardan foydalanish tashkiloti Ohangaron tuman yo‘l xo‘jaligi pudrat ta’mirlash-foydalanish davlat korxonasi bosh muhandisi.
2010—2011-yillarda — “O‘zyo‘lmashservis” ilmiy ishlab chiqarish tajriba davlat unitar korxonasi Toshkent halqa avtomobil yo‘lining 399-400-543-544-sonli yo‘l ta’mirlash bo‘limi texnika xavfsizligi va yong‘indan saqlanish bo‘yicha muhandisi.
2011—2013-yillarda — “O‘zyo‘lmashservis” ilmiy ishlab chiqarish tajriba davlat unitar korxonasi. Toshkent halqa avtomobil yo‘lining boshqaruv xodimlar bo‘limi katta muhandisi.
2013—2013-yillarda — “Avtomagistral” ixtisoslashgan avtomobil yo‘llarini qurish-ta’mirlash birlashmasi Toshkent halqa avtomobil yo‘lidan foydalanish uchastkasi Avtomobil yo‘llaridan foydalanish bo‘limi boshlig‘i.
2013—2013-yillarda — “Avtomagistral” ixtisoslashgan avtomobil yo‘llarini qurish-ta’mirlash birlashmasi. Toshkent halqa avtomobil yo‘lidan foydalanish uchastkasi boshlig‘i vazifasini bajaruvchisi.
2013—2014-yillarda — “Avtomagistral” ixtisoslashgan avtomobil yo‘llarini qurish-ta’mirlash birlashmasi. Toshkent halqa avtomobil yo‘lidan foydalanish uchastkasi bosh muhandisi vazifasini bajaruvchisi.
2014—2016-yillarda — “Avtomagistral” ixtisoslashgan avtomobil yo‘llarini qurish-ta’mirlash birlashmasi Toshkent halqa avtomobil yo‘lidan foydalanish uchastkasi boshlig‘i.
2016—2017-yillarda — “O‘zavtoyo‘l” aksiyadorlik kompaniyasi boshqaruvi raisi o‘rinbosari – bosh muhandis.
Eslatib o‘tamiz, O‘zbekiston Respublikasi Prezidentining 2017-yil 14-fevraldagi Farmoni bilan “O‘zavtoyo‘l” DAK faoliyati tugatilib, uning negizida Avtomobil yo‘llari davlat qo‘mitasi tashkil etildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)