Qatar Yulduzlar ligasida to‘p surayotgan o‘zbekistonlik futbolchilar uchun chempionatning so‘nggi turi omadli keldi. Avvaliga Temurxo‘ja Abduxoliqov dubl qayd etib, jamoasiga g‘alaba keltirgan bo‘lsa, ertasi kuni Sardor Rashidov va Sanjar Tursunov ham gol urishga muvaffaq bo‘ldi.
Tursunov harakat qilayotgan “Al-Haraytiyat” klubi so‘nggi turda 2:0 hisobida zafar quchdi va mavsumni 7-o‘rinda yakunlashga erishdi. Sanjar Tursunov o‘tgan turda bo‘lgani kabi, bu safar ham o‘z nomini tabloga yozdirib qo‘ydi.
فيديو : هدف الخريطيات الاول على الغرافة عبر تورسونوف د9 #دوري_نجوم_قطر #الغرافة_الخريطيات pic.twitter.com/wRhZMfUIXp
— قنوات الكاس (@AlkassTVSports) April 15, 2017
Ma’lumot uchun, Sanjar Tursunov Qatar chempionatining ikkinchi davrasi arafasida jamoa safiga qo‘shilgandi. U “Al-Haraytiyat” safida 13 ta o‘yinda ishtirok etib, 2 ta gol urishga muvaffaq bo‘ldi va barcha o‘yinlarda asosiy tarkibda maydonga tushdi.
Sanjar Tursunov mana shu vaqt davomida O‘zbekiston milliy terma jamoasidan chaqiruv qog‘ozi olgani yo‘q.
Sardor Rashidov to‘p suradigan “Al-Jaish” mavsumni mag‘lubiyat bilan yakunladi. Ispaniyalik mashhur futbolchi Xavi to‘p suradigan “As-Sadd”ga qarshi o‘yinda Rashidov Van Basten uslubida gol urdi. Bir tur avval Sanjar Shoahmedov ham Xavi to‘p suradigan klub postiga gol urishga erishgandi.
https://www.instagram.com/p/BS6eFpRFRKy/?taken-by=alkasssports
Ma’lumot uchun, Rashidov chempionat davomida 24 ta o‘yinda ishtirok etib, 13 ta gol urishga muvaffaq bo‘ldi. Shu tariqa futbolchi Yulduzlar ligasi to‘purarlari orasida 7-o‘ringa ko‘tarilib oldi. Temurxo‘ja Abduxoliqov esa 10 ta o‘yinda 7 gol urdi.
Qatarda chempionat o‘z yakuniga yetdi. Unda o‘zbekistonlik futbolchilar to‘p suradigan klublar katta muvaffaqiyatga erishmagan bo‘lsa-da, ligada jon saqlab qola bildi. Futbolchilarning o‘zi esa jamoasining asosiy futbolchisi bo‘la oldi.
Qatar Yulduzlar ligasi 26-tur o‘yinlari 15-aprel, shanba
“Al-Haraytiyat” — “Al-Garafa” 2:0
Gollar: Sanjar Tursunov, 9 (1:0). Tiberkanine, 40-pen (1:1).“As-Sadd” — “Al-Jaish” 2:1
Gollar: Hamza Sanhaji, 10 (1:0). Hassan Xolid, 24-pen (2:0). Sardor Rashidov, 67 (2:1).
Izoh (0)